هدفي اني اكون سبب بسيط في انه 100 شخص يبيعوا بـ 100 مليون جنيه في السوق المصري
مش مجرد رقم… ده حلم مبني على خبرة حقيقية وتجارب علّمتني إن النجاح مش سباق، النجاح إننا نحل مشاكل حقيقية ونكبر سوا.
نبذه عني
انا احمد عمر عندي 27 سنه شغال في مجال الـ Digital marketing من 2017
تحديداً في الـ content writing و Facebook ads
في اواخر 2018 خدت تجربه جديده وهي اني اركز في التجاره الإليكترونيه
لإنه دي اكتر حاجه انا بشوف فيها نتايج بشكل فعلي،
وبناءً علي الـ mindset اللي كنت شغال فيها من صغري في مصانع و ورش فـ كان فيه طريقين للشغل
– شغل يوميه وهنا انت بتتحاسب علي عدد ساعات العمل،
-وشغل إنتاجيه وهنا انت بتتحاسب بناءً علي ايه اللي تم إنتاجه بشكل فعلي
من خلالك وده اللي كنت بحبه اكتر، ويمكن ده اللي خلاني حبيت الـ performance marketing.
بدايتي مع التجاره الاليكترونيه
في بدايه 2020 مع كورونا قررت اني ابدأ بيزنس التجاره الاليكترونيه الخاص بيا وكان هدفي بس الفتره دي Make money لحد ما ادركت انه ده مش هدف في حد ذاته دي نتيجه بناءً علي value بتحل مشكله لأشخاص تانيه وكل ما قدرت احل مشكله لأشخاص تانيه بشكل فيه إتقاان وإحسان كل ما نتيجه الفلوس دي بتكون اسهل واعلي بكتير من التركيز عليها في حد ذاتها.
فلسفه شغلي والمشاكل اللي لاحظتها
من 2020 الي 2025 وبعد شغل في اكتر من 500 منتج مختلفين عن بعض في السوق المصري بدأت ادرك انه المنافسه بمفهومها المعروف لينا مش الشئ الصحي للـ market وبدل ما احط كل تركيزي ازاي اخد جزء اكبر من المنافس عشان ازود الحته بتاعتي في الـ market بدأت ادور علي ايه المشكله الفعليه اللي بتواجه ناس كتير في الماركت ومحدش بيحلها واكتشفت انه فيه جزء كبير من المنافسين واصحابي اللي شغالين في الـ Performance marketing شاطرين جداً في الجزء الـ Digital والـ performance ولكن بيواجهوا مشاكل كبيره في انهم يلاقوا منتجات كويسه وبجوده كويسه بكميات واسعار مناسبه يقدروا يشتغلوا عليها.
وعلي الناحيه التانيه كتير من الـ Suppliers اللي بتعامل معاهم عندهم مشكله في إنهم شاطرين ييجبوا منتجات كويسه وبكميات ولكن معندهمش Market كبير يستحمل المنتجات دي او بمعني اصح مش عارفين يوصلوا بشكل مباشر للفئه اللي فوق.
الحل اللي بحاول اقدمه
ومن هنا جاتلي فكره إني اكون همزه وصل ما بين الأتنين واللي هيحل لكل شخص فيهم مشكلته، وبدأت اجرب ده بشكل فعلي مع ناس في دائرتي وعملوا ارقام كويسه وده اللي شجعني اني ابدأ الفكره بشكل فعلي.
المقالات
Hello world!
Welcome to WordPress. This is your first post. Edit or delete it, then start writing!
تواصل معي الان
كلمني لو عندك حاجه عايز توصلها